Ukrayna Rusiya neft emalı zavoduna hücum etdi | Əhaliyə müraciət edildi

Rusiyanın Smolensk vilayətində yerləşən neft emalı zavoduna PUA hücumu olub.

Nəticədə ərazidə partlayışlar baş verib.

Vilayətin qubernatoru Vasili Anoxinin yaydığı məlumata görə, ilk partlayış Razdoro kəndi yaxınlığındakı neft bazası ərazisində qeydə alınıb. Hadisədən təxminən 15 dəqiqə sonra daha bir partlayış səsi eşidilib. Sənaye obyekti alovlara bürünüb.

“Hazırda Fövqəladə Hallar Nazirliyi hadisə yerindədir. Sakinlərdən sakitləşməkləri və təlaşa düşməməkləri xahiş olunur”, – deyə qubernator əhaliyə müraciət edib.

Məlumat üçün bildirək ki, bir müddət əvvəl Rusiyanın Samara vilayətinin Novokuybışevsk şəhərində yerləşən neft emalı zavoduna da dron hücumu edilib. Bu təxribat da yanğınla nəticələnsə də, insan itkisi qeydə alınmayıb.