14 yaşlı yeniyetmə qonşusunu güllələdi? - Ağdaşda dəhşətə gətirən hadisə - Baku TV

Ağdaş rayonunda silahlı insident baş verib.

Hadisə sentyabrın 17-də axşam saatlarında rayonun Vaqif küçəsində qeydə alınıb.

Rayon sakini, 14 yaşlı yeniyetmə atasına məxsus tir tüfəngi ilə küçədə gəzərkən ehtiyatsızlıq edib. Bu zaman tüfəngdən açılan atəş küçədə, evinin qarşısında əyləşən 51 yaşlı Mətanət Quliyevaya dəyib.

Qarın nahiyəsindən ağır xəsarət alan qadın ətrafdakıların köməyi ilə Ağdaş Rayon Mərkəzi Xəstəxanasına çatdırılıb. Daha sonra müalicəsini davam etdirmək üçün Şirvan Şəhər Mərkəzi Xəstəxanasına göndərilib. Hazırda vəziyyətinin orta-ağır olduğu bildirilir.

Qonşuların sözlərinə görə, tərəflər arasında əvvəllər heç bir problem və münaqişə olmayıb.

Hadisəni törətməkdə şübhəli bilinən yeniyetmənin rayonda tanınmış sahibkar Məhəmməd Əliyevin nəvəsi olduğu qeyd edilir.