Göygöldə qandonduran qətl | İki uşaq anası qısqanclığa görə qətlə yetirildi? - Baku TV

Göygöldə 38 yaşlı qadın qətlə yetirilib.

Hadisə sentyabrın 20-si axşam saatlarında rayonun Üçtəpə kəndində qeydə alınıb. Mehriban Quliyeva aldığı ağır bıçaq xəsarətləri nəticəsində həyatını itirib.

İlkin məlumata görə, qadını qısqanclıq zəminində 41 yaşlı həyat yoldaşı Mətləb Quliyev öldürüb.

Hadisə ilə bağlı rayonun hüquq-mühafizə orqanları tərəfindən dərhal əməliyyat-istintaq tədbirləri həyata keçirilib. Qətli törətməkdə şübhəli bilinən Mətləb Quliyev saxlanılaraq istintaqa təhvil verilib.

“Nəyin üstündə olduğunu bilmirəm. Mətləb çox gözəl insan idi. Oğulları da mərifətli uşaqlar idi. Nəsə istəyəndə “yox” demirdilər”, – deyə qonşu bildirib.

Qeyd edək ki, ailənin 15 və 16 yaşlı iki oğlu var. Faktla bağlı Göygöl Rayon Prokurorluğunda cinayət işi başlanılıb. Hazırda istintaq və əməliyyat tədbirləri davam etdirilir.