Göygöl rayonunda III Moruq Festivalı təşkil olunub | Sərgidə nələr nümayiş edildi? - Baku TV

Göygöldə III Moruq Festivalı keçirilir.

Festivalda moruq və ondan hazırlanan müxtəlif məhsullarla yanaşı, rayonda yetişdirilən kənd təsərrüfatı məhsulları da nümayiş olunur.

Festival Göygöl Rayon İcra Hakimiyyəti, Azərbaycan Respublikasının Kənd Təsərrüfatı Nazirliyi, Aqrar İnnovasiya Mərkəzi, Dövlət Turizm Agentliyi və digər təşkilatların birgə təşkilatçılığı ilə keçirilir.

Moruq Festivalının keçirildiyi Keşkü kəndində gün ərzində müxtəlif tədbirlərin təşkili nəzərdə tutulub.

Festival çərçivəsində müxtəlif sərgi stendlərinə baxış keçiriləcək, dövlət qurumlarının nümayəndələrinin iştirakı ilə tədbirlər təşkil olunacaq. Günün sonunda isə konsert proqramının keçirilməsi nəzərdə tutulur.