24 yaşlı gəncin faciəvi ölümü | “Xilasedicilər çatana kimi...” | Çimərlikdə dəhşətli anlar - Baku TV

24 yaşlı Goranboy sakini Mingəçevir su anbarında boğularaq dünyasını dəyişib.

Bədbəxt hadisə iyulun 7-də Mingəçevir su anbarı ərazisində yerləşən çimərlikdə baş verib.

Məlumata görə, Goranboy rayon sakini Şəhriyar Mustafayev çimərlikdə boğulub. O, sudan çıxarılaraq xəstəxanaya çatdırılsa da, həyatını xilas etmək mümkün olmayıb.

“Hadisəni eşidəndə çox pis oldum. Həqiqətən də, təhlükəsizlik qaydalarına riayət etmək lazımdır. Xəbərdarlıq nişanlarından o tərəfə keçmək olmaz. Su ilə zarafat etmək olmaz, çox təhlükəlidir. Burada dərinlik var. Bir az irəliyə getdin, artıq su dərinləşir. İnsanın ayağı tutulsa, ortada qalır, geri qayıda bilmir. Xilasedicilər çatana qədər isə artıq gec ola bilər”, – deyə sakinlərdən biri bildirib.