Bakıda dəhşətli ailə faciəsi | Həbsdən çıxan kişi öz evində qan tökdü - Baku TV

İyulun 7-də Sabunçu rayonunun Ramana qəsəbəsində yerləşən fərdi yaşayış evində kişi və həyat yoldaşının meyitləri aşkarlanıb.

İlkin məlumata görə, 41 yaşlı Coşqun Bağırovla həyat yoldaşı Nübar Bağırova arasında mübahisə yaranıb. Mübahisə zamanı kişinin həyat yoldaşına çoxsaylı bıçaq xəsarətləri yetirərək onu qətlə yetirdiyi bildirilir.

Hadisə yerinə gələn polis əməkdaşları daha sonra Coşqun Bağırovun da meyitini evdə aşkar ediblər.

Qonşuların sözlərinə görə, Coşqun Bağırov təxminən bir ay əvvəl cəzaçəkmə müəssisəsindən azadlığa çıxaraq ailəsinin yaşadığı evə qayıdıb. Bildirilir ki, mübahisəyə qadının ərindən boşanmaq istəməsi səbəb olub.

Faktla bağlı araşdırma aparılır.