Bakı-Qazax yolunda baş verən çökmə niyə təmir olunmur? - Əməkdaşımız hadisə yerində - Baku TV

Bakı-Qazax magistral yolunda bir müddət əvvəl baş verən çökmənin nəticələri hələ də aradan qaldırılmayıb.

Hadisə yolun 55-ci kilometrliyində, Qaradağ rayonu Qobustan qəsəbəsi ərazisində qeydə alınıb. Məlumata görə, mayın 15-də magistral yolun üzərində yerləşən körpünün çökməsi nəticəsində bir yük avtomobilinə ciddi ziyan dəyib.

Hadisədən 43 gündən artıq vaxt keçməsinə baxmayaraq, körpüdə təmir işləri hələ də yekunlaşdırılmayıb və yol istifadəyə verilməyib.

Hazırda Bakı istiqamətində hərəkət edən sürücülər alternativ olaraq qəsəbədaxili yoldan istifadə etmək məcburiyyətində qalırlar. Bu isə xüsusilə həftəsonları rayonlardan paytaxta qayıdan vətəndaşlar üçün ciddi çətinlik yaradır.