Bakıda 11 il əvvəl törədilən qətlin üstü açıldı

Bakının Sabunçu rayonunun ərazisində 11 il əvvəl törədilən qətlin üstü açılıb.

Baş Prokurorluqla Daxili İşlər Nazirliyinin birgə məlumatına görə, həyata keçirilən istintaq və əməliyyat-axtarış tədbirləri nəticəsində 2014-cü ilin noyabrında 49 yaşlı Namiq Hənifəninn qəsdən öldürülməsi müəyyən olunub.

Qeyd olunub ki, 36 yaşlı Hüseyn Cəfərovun ictimai-təhlükəli əməlinin qarşısının alınması üzrə ictimai borcunu yerinə yetirən Namiq Hənifəyə bıçaqla xəsarətlər yetirərək öldürməsinə əsaslı şübhələr müəyyən olunub.

Hüseyn Cəfərov dekabrın 1-də Cinayət Məcəlləsinin 126.3-cü (qəsdən sağlamlığa ağır zərər vurma, ehtiyatsızlıqdan zərərçəkmiş şəxsin ölümünə səbəb olduqda) maddəsi ilə təqsirləndirilən şəxs qismində cəlb olunaraq ona həmin maddədə nəzərdə tutulan ittiham elan edilib. Onun barəsində prokurorun təqdimatı əsasında Sabunçu Rayon Məhkəməsinin qərarı ilə həbs qətimkan tədbiri seçilib.