Marneulidə ata və oğul zərgərlik mağazasında güllələndi! - Baku TV

Gürcüstanda soydaşlarımızın kompakt yaşadıqları Marneuli şəhərindəki bazarda güllələnmə hadisəsi baş verib.

Belə ki, yanvarın 4-ü saat 14:50 radələrində qızıl mağazalarından birində satıcı və onun oğluna naməlum şəxs tərəfindən bir neçə dəfə atəş açılıb.

Hadisəni törədən şəxs ərazidən qaçıb. Hər iki yaralı ətrafdakı insanların köməyi ilə xəstəxanaya aparılıb. Ancaq həkimlərin səylərinə baxmayaraq, 27 yaşlı gənci xilas etmək mümkün olmayıb.

Ərazidə olan satıcıların iddialarına görə, cinayət hadisəsi kriminal aləmin üzvləri ilə əlaqəli ola bilər, lakin dəqiq səbəb hələ ki məlum deyil.

Əraziyə Gürcüstan Daxili İşlər Nazirliyinin ekspert-kriminalist qrupu cəlb olunub, faktla bağlı araşdırma aparılır.