Nərimanovda 3 nəfər evdə köməksiz qaldı | FHN hərəkətə keçdi

Bakıda evdə köməksiz vəziyyətdə qalan 3 nəfər xilas edilib.

Fövqəladə Hallar Nazirliyinə paytaxtın Nərimanov rayonu, Əlicabbar Orucəliyev küçəsində vətəndaşların evdə bağlı qapı arxasında köməksiz vəziyyətdə qalması barədə məlumat daxil olub.

Qurumun Xüsusi Riskli Xilasetmə Xidmətinin xilasediciləri çağırış üzrə cəlb olunub.

Xilasedicilər alpinist ləvazimatlarının köməyi ilə beşmərtəbəli yaşayış binasının 4-cü mərtəbəsində yerləşən mənzilə eyvandan daxil olaraq 2-si uşaq olmaqla 3 nəfəri xilas ediblər.