Sumqayıtda yataqxanada yanğın | Sakinlər təxliyə edildi - Baku TV

Sumqayıtda yanğın hadisəsi baş verib.

Hadisə şəhərin 42-ci məhəlləsində yerləşən 14 saylı yataqxanada qeydə alınıb.

Əraziyə Fövqəladə Hallar Nazirliyinin Dövlət Yanğından Mühafizə Xidmətinin canlı qüvvəsi və texnikaları cəlb olunub. Yanğın qısa müddətdə söndürülüb, alovun ətrafa keçməsinin qarşısı alınıb. Hadisə zamanı binada olan 12 nəfər təxliyə edilib. Yanğının başvermə səbəbləri araşdırılır.

“Namaz qılırdım. Birdən elə bildim ki, yuxarıdan aşağıya bomba düşdü. Tez özümü çölə atdım, gördüm ki, alov üstümə gəlir. Ondan sonrasını isə xatırlamıram”, – sakinlərdən biri bildirib.

“Aşağıya düşə bilmirdik. Yuxarıda qalmışdıq. Hər yeri tüstü bürümüşdü. Fövqəladə Hallar Nazirliyinin əməkdaşları gələndən sonra bizi xilas etdilər”, – digər sakin qeyd edib.