Komandanı ukraynalı mütəxəssis Yuri Vernidub çalışdıracaq - Baku TV

"Neftçi"nin baş məşqçisi vəzifəsinə Yuri Vernidub təyin edilib.

Klubdan "Baku TV"yə verilən məlumata görə, ukraynalı mütəxəssislə 1,5 illik müqavilə imzalanıb.

Məşqçilik fəaliyyətinə 2001-ci ildə köməkçi məşqçi kimi başlayan, 2011-ci ildən etibarən isə baş məşqçi postunu tutan Vernidub vətənində "Metallurq", "Zarya", "Krivbass", Belarusda "Şaxtyor", Moldovada "Şerif" klublarında çalışıb.

Təcrübəli mütəxəssis müxtəlif illərdə "Zarya" və "Krivbass"la Ukrayna çempionatının bürünc mükafatçısı, "Şerif"lə 2 dəfə Moldova çempionu olub.

"Şerif"i UEFA Çempionlar Liqasının, "Zarya"nı Avropa Liqasının qrup mərhələsinə yüksəldən, "Krivbass"ı 24 ildən sonra avrokuboklara çıxaran mütəxəssis 2016 və 2018-ci illərdə Ukraynada, 2021-ci ildə isə Moldovada ilin məşqçisi seçilib.