Komandanın oyunçusu məğlubiyyətlə bağlı şərh verdi

Dünya çempionatı 2026-nın pley-off mərhələsinin yarımfinalında İsveç yığmasına uduzaraq mundiala vəsiqə uğrunda mübarizəni dayandıran Ukrayna millisinin futbolçusu Vitali Mikolenko məğlubiyyəti şərh edib.

O, emosiyalarının futbola baxan digər ukraynalılarla eyni olduğunu söyləyib:

“Bu biabırçılığı izləyənlərə təşəkkür edirəm. Üzrxahlığa ehtiyac duyuram, amma döyüşdən sonra bu da yersiz alınar. Sadəcə, sonadək baxdıqlarına və dəstəklədiklərinə görə minnətdaram. Pley-offa yüksəlmək üçün İslandiya ilə döyüşdüyümüz oyunla müqayisə etsək, bu gün meydanda o komandanı görmədik. İzah tapa bilmirəm. Bəlkə də, bizim günümüz deyildi. Belə “dişsiz” oynamaq utandırıcıdır”.