Sergen Yalçın Sadio Maneni "Beşiktaş"da görmək istəyir

"Beşiktaş"ın baş məşqçisi Sergen Yalçın hücum xəttini gücləndirmək üçün rəhbərliyə sürpriz ad təqdim edib.

Təcrübəli mütəxəssis Səudiyyə Ərəbistanının "Əl-Nəsr" klubunda çıxış edən ulduz futbolçu Sadio Maneni komandasında görməyi çox istəyir.

"Türkiye" qəzetinin yaydığı xəbərə görə, Sergen Yalçının bu istəyini nəzərə alan klub rəhbərliyi artıq transfer əməliyyatına başlayıb. 33 yaşlı seneqallı hücumçunun Türkiyə Super Liqasına gəlişi mövsüm bitmədən rəsmiləşdirilməyə çalışılır.

"Qara qartallar" bu transferlə həm hücum potensialını artırmağı, həm də azarkeşlərinə böyük bir sürpriz etməyi hədəfləyir. Hazırda futbolçunun şərtləri və klubun büdcəsi arasındakı uyğunluq araşdırılır.