Lionel Messi 2026-cı il dünya çempionatında iştirak edəcək?

Argentina millisinin və “İnter Mayami”nin ulduzu Lionel Messi 2026-cı il dünya çempionatında iştirak etmək istəyir.

Bu barədə açıqlama verən 37 yaşlı forvard gələn il baş tutacaq mundial üçün səylə məşq etdiyini bildirib.

Formada qalmaq üçün əlindən gələni etdiyini vurğulayan Leo 48 komandanın iştirakı ilə ABŞ, Meksika və Kanadada keçiriləcək yarışda 2-ci dəfə dünya çempionu adını qazanacağına inandığını deyib.

Xatırladaq ki, Lionel Messinin çıxış etdiyi Argentina seçməsi Qətərdə keçirilən 2022-ci il mundialının finalında Fransaya qalib gələrək, tarixində 3-cü dəfə dünya çempionu olub. Həlledici görüşdə 11 metrlik cərimə zərbəsindən fərqlənən Messi 3-3 hesabı ilə bitən matçdan sonra penaltilər seriyasında da qapını dəqiq nişan alıb. Ümumən isə Leo yığmada 191 matçda 112 qolla yadda qalıb. “Qızıl top”un 8 qat qalibi milli komanda ilə 2022-ci il mundialı ilə yanaşı, Amerika kuboku və Finalissimada qələbə qazanıb.