Mauro İkardiyə qarşı "toyuq ritualı" ilə cadu iddiası

Türkiyənin "Qalatasaray" komandasının argentinalı hücumçusu Mauro İkardi ilə uzun illər birlikdə olduğu keçmiş həyat yoldaşı Vanda Nara arasındakı qalmaqallı ayrılıq prosesi yenidən gündəmə gəlib.

Mediada yayılan məlumata görə, Vanda Naranın həbs olunan vəkilinin telefon mesajlarında Nara ilə birlikdə Mauro İkardiyə qarşı "toyuq ritualı" ilə cadu etdikləri barədə yazışmalar üzə çıxıb.

Bu mesajların üzə çıxmasından sonra Mauro İkardi sosial mediada ardıcıl paylaşımlar edib. Paylaşımlarda bu sözləri yazıb:

"Fırıldaqçılıq cinayətinə görə həbsə düşdün. Bunu ədalət müəyyən etdi. Amma mən unutmuram. Qızlarıma yaşatdığın ağrıları unutmuram. Bir atanı qızlarından ayırmaq istəyən birinin baş cinayət ortağı olmaq strategiya deyil, zülmdür".