“Fəlakətlərin sayı 5 dəfə artıb” | İqlim dəyişikliyinin aqrar sektora təsirləri - Baku TV

“Kənd təsərrüfatı yalnız iqtisadi fəaliyyət sahəsi deyil, ərzaq təhlükəsizliyi və iqtisadi sabitlik üçün strateji əhəmiyyət daşıyan əsas sektorlardan biridir”.

Bunu Azərbaycan Prezidentinin İqlim məsələləri üzrə nümayəndəsi Muxtar Babayev Aqrobiznesin İnkişafı Forumunda çıxışı zamanı deyib.

“Son illər dünyada iqlim və hava hadisələrinin xarakteri dəyişir. Əvvəllər mövsümi xarakter daşıyan iqlim hadisələri bu gün tez-tez baş verir”, – deyə o qeyd edib.

Muxtar Babayev həmçinin bildirib ki, son 50 ildə hava və iqlimlə bağlı fəlakətlərin sayı təxminən 5 dəfə artıb:

“Sellər ən təhlükəli fəlakət hesab olunur. 168 ölkədə 4 700-dən çox sel hadisəsi qeydə alınıb, bu, 3,2 milyard insanı əhatə edib”.