SOCAR-ın nümayəndələri və gənc mühəndislər tədbirdə iştirak edib - Baku TV

SOCAR-ın Bakı Ali Neft Məktəbində ümummilli lider Heydər Əliyevin anadan olmasının 103-cü ildönümünə həsr olunan “Azərbaycanın yeni enerji strategiyası: rəqəmsal transformasiya və insan kapitalı” mövzusunda seminar keçirilib.

SOCAR nümayəndələri, gənc mühəndislər, eləcə də BANM-in müəllim və tələbə heyətinin iştirakı ilə təşkil olunan tədbirdə “Əsrin müqaviləsi”nin ölkəmizin yeni enerji strategiyasının formalaşmasındakı rolu, həyata keçirilən strateji layihələr, enerji sektorunda tətbiq olunan rəqəmsal həllər və insan kapitalının inkişafı istiqamətində görülən işlər ətrafında fikir mübadiləsi aparılıb.

Tədbir çərçivəsində həmçinin ulu öndərin həyat və fəaliyyətindən bəhs olunan “İz” sənədli filmi nümayiş olunub.