“ProEx in Finance” iştirakçıları “SOCAR Energy Georgia” MMC-də oldular - Baku TV

“ProEx in Finance” proqramı çərçivəsində “SOCAR Energy Georgia” MMC-yə səfər təşkil olunub.

Səfər zamanı “SOCAR Türkiyə”nin maliyyə üzrə baş direktoru Rüfət Həsənov tərəfindən “Müəssisə resurslarının planlaşdırılması sistemləri və onların inteqrasiyası” mövzusunda təlim sessiyası keçirilib.

İştirakçılar “SOCAR Georgia Petroleum”un “Kiziki” neft bazası, Elektrik yükləmə stansiyası, “Botanika” konseptli yanacaqdoldurma məntəqəsi və Urbnisi kompleksi ilə tanış olublar.

“SOCAR Georgia Petroleum”un direktoru Nodar Kanchveli tərəfindən dayanıqlı inkişaf və yaşıl enerji təşəbbüsləri barədə təqdimat keçirilib.

Təcrübə mübadiləsi və sual-cavab sessiyaları çərçivəsində iştirakçılar rəqəmsal transformasiya, innovativ yanaşmalar və dayanıqlı inkişaf strategiyaları üzrə fikir mübadiləsi aparıblar.