SOCAR və TPAO Xəzər layihələrində birgə işləri müzakirə etdi - Baku TV

Mayın 15-də SOCAR-ın prezidenti Rövşən Nəcəf “Türkiyə Petrolleri Anonim Ortaklığı” şirkətinin Xarici Layihələr İdarəsinin rəisi Çağrı Şirin və Azərbaycandakı nümayəndəliyinin rəhbəri Halil Buğra Yavuz ilə görüşüb.

Görüşdə SOCAR ilə “Türkiyə Petrolleri Anonim Ortaklığı” arasında əlaqələrin inkişafından məmnunluq ifadə olunub. Bu xüsusda ötən il “Türkiyə Petrolleri Anonim Ortaklığı” şirkətinin “Xəzər dənizinin Azərbaycan sektorundakı Şəfəq-Asiman perspektiv strukturunun birgə geoloji kəşfiyyatı və işlənməsi üzrə hasilatın pay bölgüsü haqqında Saziş”ə qoşulmasının əməkdaşlığın genişləndirilməsi baxımından əhəmiyyəti qeyd olunub.

Söhbət zamanı şirkətlərin birgə iştirakı ilə həyata keçirilən layihələrin icra vəziyyəti nəzərdən keçirilib və qarşılıqlı maraq doğuran digər məsələlər ətrafında fikir mübadiləsi aparılıb.