SOCAR Qırğızıstanda əməkdaşlıq imkanlarını dəyərləndirib - Baku TV

Azərbaycan və Qırğızıstan enerji və sənaye sahələrində əməkdaşlıq imkanlarını müzakirə ediblər.

Bu barədə Dövlət Neft Şirkəti məlumat yayıb.

Bildirilib ki, Azərbaycan ilə Qırğızıstan Respublikası arasında iqtisadi və humanitar əməkdaşlıq üzrə Birgə Hökumətlərarası Komissiyanın 6-cı iclası çərçivəsində SOCAR-ın vitse-prezidenti Anar Məmmədov ilə Qırğızıstan Respublikası Nazirlər Kabineti sədrinin müavini Bakıt Torobayev arasında görüş keçirilib.

Görüşdə “SOCAR Downstream” şirkətinin nümayəndələri, Qırğızıstan hökumət və dövlət qurumlarının üzvləri, eləcə də biznes strukturlarının təmsilçiləri iştirak ediblər. Müzakirələr zamanı enerji, sənaye, nəqliyyat və digər prioritet sahələr üzrə əməkdaşlıq imkanları nəzərdən keçirilib, qarşılıqlı maraq doğuran digər məsələlər ətrafında fikir mübadiləsi aparılıb.