SOCAR-ın aktivləri cari ilin I yarısında bu qədər oldu - Baku TV

SOCAR 2025-ci ilin birinci yarısını 1 milyard 761 milyon manat xalis mənfəətlə başa vurub.

Şirkətin yaydığı maliyyə hesabatına görə, bu, 2024-cü ilin eyni dövrü ilə müqayisədə 14 faiz çoxdur.

2025-ci ilin yanvar-iyun aylarında SOCAR-ın vergiyə qədərki mənfəəti 2 milyard 373 milyon manat, mənfəət vergisi ödəmələri isə 612 milyon manat təşkil edib. Bu dövrdə şirkətin ümumi mənfəəti 71,9 faiz artaraq, 6 milyard 373 milyard manata yüksəlib.

2025-ci il iyulun 1-nə SOCAR-ın aktivləri 96 milyard 470 milyon manat olub ki, bu da illik müqayisədə 1,9 faiz çoxdur.

Hesabat dövründə şirkətin öhdəlikləri 2,4 faiz artaraq, 47 milyard 144 milyon manata, balans kapitalı isə 1,4 faiz yüksələrək, 49 milyard 326 milyon manata çatıb.