Выбрать плеер:
Bakı-Tbilisi-Qars dəmir yolu xətti modernləşdirilmədən sonra istismara verildi - Baku TV
Gürcüstanın Axalkalaki dəmir yolu və logistika kompleksində Bakı–Tbilisi–Qars dəmir yolu xətti modernləşdirmə işlərindən sonra tam istismara verilib.
Xəttin istifadəyə verilməsi simvolik düymənin basılması ilə qeyd olunub. Rəsmi şəxslər birlikdə düyməni basaraq dəmir yolunun yeni mərhələdə fəaliyyətə başladığını elan ediblər.
Mərasimdə Gürcüstanın Baş naziri İrakli Kobaxidze, Gürcüstanın iqtisadiyyat və davamlı inkişaf naziri Mariam Kvrivişvili, Azərbaycanın rəqəmsal inkişaf və nəqliyyat naziri Rəşad Nəbiyev, eləcə də Türkiyənin nəqliyyat və infrastruktur naziri Abdulkadir Uraloğlu iştirak ediblər.
Скопировано
