Cəbrayılda və Zəngilanda bərpa işlərini bu dəfə səfirlər qiymətləndiriblər

Prezidentin tapşırığı ilə diplomatik korpus nümayəndələrinin işğaldan azad olunmuş ərazilərə növbəti səfəri təşkil olunub.

Bu dəfə səfirliklərin və beynəlxalq təşkilatların rəhbərləri Cəbrayıl və Zəngilan rayonlarına yollanıblar.

51 ölkə və 12 beynəlxalq təşkilatı təmsil edən 100-dən artıq nümayəndə regionda görülən bərpa və yenidənqurma işləri ilə yerində tanış olub.

Səfərə Prezidentin köməkçisi, Xarici siyasət məsələləri şöbəsinin müdiri Hikmət Hacıyev rəhbərlik edib.

Diplomatlara “Böyük Qayıdış” Dövlət Proqramı çərçivəsində icra olunan layihələr, eləcə də regionun strateji əhəmiyyətini artıran Zəngəzur dəhlizi barədə geniş məlumat verilib.

Nümayəndə heyəti Ağbənd qəsəbəsində dəmir və avtomobil yollarında görülən işlərin gedişatı ilə də tanış olub.