"Ciddi maneələr var" | Gündəmi zəbt edən planın pərdəarxası məqamları - Baku TV

Politoloq Turan Rzayev bildirib ki, İran Hörmüz boğazında baş verən son proseslər, eləcə də ABŞ və İsraillə münasibətlərin kəskinləşməsi fonunda neftini Avropa və Türkiyəyə daha təhlükəsiz çatdırmaq üçün yeni layihələr irəli sürür. Bu, enerji tələbatını əsasən Azərbaycan və Rusiyadan ödəyən Türkiyənin maraqlarına uyğun olsa da, layihənin reallaşması ciddi maneələrlə üz-üzədir.

Ekspertin sözlərinə görə, əsas risk Livanla bağlıdır. Böyük potensiala malik Beyrut limanı partlayışdan sonra bərpa olunsa da, ötürücülük qabiliyyətində ciddi problemlər qalır. Bundan başqa, Livandakı siyasi qeyri-sabitlik, "Hizbullah" faktoru və İsrailin ardıcıl zərbələri bu layihəni riskli edir.

T.Rzayev qeyd edib ki, Livanın Məkkə sazişinə qoşularaq müdafiə paktına daxil olması İsrailin zərbələrini çətinləşdirə bilər. Lakin mövcud hərbi, siyasi və iqtisadi şərtlər layihənin gerçəkləşməsini hələ ki çətinləşdirir.