Delimitasiya prosesi davam edir | Tiqran Arutyunyandan vacib açıqlama

Ermənistanın Azərbaycanla həmsərhəd Berkaber kəndində minatəmizləmə işləri başa çatıb.

Bu barədə kənd icmasının rəhbəri Tiqran Arutyunyan məlumat verib.

Onun sözlərinə görə, ərazidə delimitasiya və demarkasiya işləri aparılır.

Qeyd edək ki, aprelin 29-da ərazidə minatəmizləmə işi aparan bir erməni istehkamçı elə özlərinin basdırdığı minaya düşərək müxtəlif bədən xəsarətləri alıb.

Xatırladaq ki, aprelin 22-də Ermənistan tərəfi Tavuş vilayətinin Voskepar kəndində minatəmizləmə işlərinə başlayıb. Ölkənin Daxili İşlər Nazirliyi delimitasiya prosesi çərçivəsində minatəmizləmə işlərinin aparılması üçün Bağanıs-Voskepar yolunu bağlayıb.