Makrona mən qarşı çıxdım | Slovakiya Baş nazirindən Bakıda xüsusi müsahibə

“Emmanuel Makron ölkəmizdə populyar siyasətçi sayılmır, mən niyə ondan danışım? Amma Fransa Prezidenti Avropa əsgərlərinin müharibədə iştirakı barədə fikirlərini açıq şəkildə söylədi və mən bunu dərhal tamamilə rədd etdim. Çünki bu, Üçüncü Dünya müharibəsinin başlaması olardı”.

Bunu Slovakiya Baş naziri Robert Fitso “Azərtac”a müsahibəsində deyib.

“Avropa Birliyində Azərbaycanla baş verənlərlə bağlı çox ölkənin obyektiv yanaşması lazımdır. Ukrayna ilə bağlı da dedim, ərazi bütövlüyü qorunmalıdır. Sizin də ərazi bütövlüyünüzün qorunması lazımdır. Bu, sizin torpaqlarınızdır. Əgər Avropa Birliyində 3-4 ölkə eyni mövqedən çıxış etsəydi, gərginlik bəlkə də bu səviyyədə olmazdı. Onlar ərazicə balaca ölkənin özünə güvənərək hərəkət etməsini sevmirlər. Bu cür ölkə olmağınızla fəxr etməlisiniz”, – Baş nazir bildirib.