Выбрать плеер:
Minsk qrupuna aid bütün strukturlar bağlanır
Finlandiyanın Xarici İşlər naziri və ATƏT-in fəaliyyətdə olan sədri Elina Valtonen İrəvanda səfəri zamanı mühüm bir açıqlama verib. O bildirib ki, Azərbaycan və Ermənistanın birgə müraciəti əsasında ATƏT-in Minsk qrupu ilə əlaqəli bütün strukturlar 2025-ci ilin dekabr ayının sonunadək bağlanacaq. Bu qərar avqustun 8-də Vaşinqtonda sülh sənədinin paraflanmasından sonra tərəflərin barışıq prosesinə sadiqliyini vurğulayır. Valtonen sülh prosesinin möhkəmləndirilməsinin vacibliyini qeyd edərək, ATƏT-in tərəfləri sülh sazişini imzalamağa və münasibətləri normallaşdırmağa çağırdığını bildirib.
Скопировано
