Mirzoyanın Azərbaycanla sərhəd kəndə gəlmə səbəbi | Ermənistan mətbuatı məlumat yaydı

Ermənistan Xarici İşlər Nazirliyinin mərkəzi aparatının rəhbər heyətinin və xaricdəki diplomatik nümayəndəliklərinin rəhbərləri Kirants kəndinə səfər ediblər.

Bu barədə erməni mətbuatı məlumat yayıb.

Qeyd olunub ki, diplomatların illik seminarı Kirants kəndinə, xüsusilə Ermənistan və Azərbaycan arasında dövlətlərarası sərhədə səfərlə başa çatıb.

Bu ölkənin Xarici İşlər Nazirliyinin məlumatına görə, görülən və cari işlərin təfərrüatları diplomatlara yerində təqdim olunub. Səfər çərçivəsində xarici işlər naziri Ararat Mirzoyanın Azərbaycan mövqelərinə baxması da diqqət çəkib.