Rusiya Dövlət Dumasının nümayəndəsi Azərbaycan-Rusiya münasibətlərindən danışdı

“Azərbaycanla Rusiya arasında tarixən sıx əlaqələr olub. Bəli, bu gün müəyyən anlaşılmazlıqlar mövcuddur, lakin bunlar keçicidir. Əminəm ki, münasibətlərimiz zamanla bərpa olunacaq”.

Bu sözləri Rusiya Dövlət Dumasının Beynəlxalq məsələlər komitəsinin sədr müavini Aleksey Çepa bildirib.

Onun sözlərinə görə, əməkdaşlıq hər iki ölkə üçün iqtisadi cəhətdən sərfəlidir, bu səbəbdən dostluq münasibətlərinin yenidən qurulması yalnız zaman məsələsidir.

Aleksey Çepa vurğulayıb ki, iqtisadi maraqların və dostluq münasibətlərinin inkişafı üçün böyük perspektivlər mövcuddur:

“Soyuqluq aradan qalxacaq, bu, sadəcə, zaman məsələsidir. Vəziyyət çətindir, lakin problemlər tədricən həll olunacaq”.