Səfir və konsul geri çağırıldı | Yeni səfir kimdir?

Azərbaycanın ABŞ-nin Los-Anceles şəhərindəki baş konsulu geri çağırılıb.

Prezident İlham Əliyev bununla bağlı Sərəncam imzalayıb.

Sənədə əsasən, Ramil Kamil oğlu Qurbanov Amerika Birləşmiş Ştatlarının Los-Anceles şəhərində Azərbaycan Respublikasının baş konsulu vəzifəsindən geri çağırılıb.

Prezident İlham Əliyevin imzaladığı digər Sərəncama əsasən, İrfan Şakir oğlu Davudov Azərbaycanın Tailand Krallığında fövqəladə və səlahiyyətli səfiri vəzifəsindən geri çağırılıb.

Dövlət başçısının digər Sərəncamına əsasən, Elçin Raqub oğlu Bəşirov respublikamızın Tailand Krallığında fövqəladə və səlahiyyətli səfiri təyin edilib.