Türkiyəli nazir forumla bağlı təəssüratlarını bölüşdü - Baku TV

“Ümumdünya Şəhərsalma Forumu çərçivəsində buradayıq və stendimizdə birbaşa vətəndaşlarımız və qonaqlarla əməkdaşlığı gücləndirmək məqsədilə görüşlər və toplantılar təşkil edirik”.

Bunu Türkiyənin ətraf mühit, şəhərsalma və iqlim dəyişikliyi naziri Murat Kurum Bakıda keçirilən Ümumdünya Şəhərsalma Forumunun 13-cü sessiyası (WUF13) çərçivəsində jurnalistlərə açıqlamasında deyib.

“Bu fürsətdən istifadə edərək azərbaycanlı dostlarımızı belə gözəl bir tədbirə ev sahibliyi etdikləri üçün təbrik edirəm. Biz Azərbaycanla əlaqələrimizi gücləndirməyə, strateji əməkdaşlığımızı daha da inkişaf etdirməyə davam edəcəyik. İstəyirik ki, bölgəmizdə güclü iki dövlət olsun və bölgəmiz, eləcə də dünyamız üçün barış, təhlükəsizlik və xoşbəxtliyin hökm sürdüyü bir mühiti birlikdə təmin edək”, – deyə o qeyd edib.