Uşaqlara erkən yaşdan nələri öyrətmək lazımdır? - Sakinlərdən maraqlı cavablar

Uşaqlar gələcəyimizin aynasıdır və onlara düzgün istiqamət vermək cəmiyyətin ən vacib vəzifələrindən biridir.

Erkən yaşda formalaşan dəyərlər və vərdişlər onların bütün həyatlarına təsir edir.

Baku TV mövzu ilə əlaqədar paytaxt sakinlərinə “Uşaqlara erkən yaşlardan nələri öyrətməliyik?” sualını ünvanlayıb.

Sakinlərdən biri bildirib ki, ilk növbədə uşaqlara ailə dəyərləri aşılanmalı, ata-ana, nənə-babaya qarşı düzgün davranış qaydaları öyrədilməlidir:

“Oğlan-qız ayrı-seçkiliyi edilməməlidir. “Oğlandır, ona belə davran”, “qızdır, elə davran” kimi ifadələr işlədilməməlidir”.

Başqa bir sakin isə vurğulayıb ki, uşaqlara uşaqlıqlarını yaşamaq imkanı verilməlidir:

“Bəzi valideynlər övladlarını erkən yaşda böyüklərin məsuliyyətini daşıma məcbur edirlər ki, bu da gələcəkdə psixoloji və sosial problemlərə səbəb ola bilər. İndiki valideynlərin çoxu reallaşdıra bilmədikləri xəyallarını uşaqlarının üstünə yükləyirlər”.