“2 dəfə atəş açıldı” | Ruslar təyyarəmizə niyə xəbərdarlıq etmədi?

Prezident İlham Əliyev "Əl-Ərəbiyyə" telekanalına verdiyi müsahibədə AZAL təyyarəsinin etdiyi qəza haqqında danışıb. O, Azərbaycan mülki təyyarəsinin Rusiya tərəfindən vurulmasının və Rusiya rəsmilərinin buna verdiyi reaksiyanın ölkəmizdə məyusluq yaratdığını deyib.

İlham Əliyev ilk olaraq təyyarənin vurulmasının doğru addım olmadığını bildirib.

Dövlət başçısı əlavə edib ki, həmin təyyarə qəzaya düşməzdən 2 həftə əvvəl Rusiyanın həmin şəhərinə uçan başqa bir təyyarəmiz oxşar halla üzləşmişdi. Ancaq ona vaxtında xəbərdarlıq edildiyi üçün təyyarə geri dönmüşdü: “Ancaq bu dəfə siqnal verilmədi, təyyarə vurulduqdan sonra siqnal verildi. İki dəfə atəş açıldı. Pilotların peşəkarlığı və cəsarəti təyyarəni yerə endirməyə imkan verdi”.

Prezident vurğulayıb ki, xoşbəxtlikdən təyyarə Rusiyada yox, Qazaxıstanda eniş etdi.