3 qardaşın qurduğu körpü: Yeni İpək yolu Asiyadan Avropaya | GLOBAL PANORAMA

“Global Panorama” verilişinin yeni buraxılışı yayımlanıb.

Bu dəfə proqramda Azərbaycan, Türkmənistan və Özbəkistan prezidentlərinin Aşqabadda keçirilən üçtərəfli sammitindən bəhs olunub.

Verilişdə imzalanan sənədlərin siyasi, iqtisadi və mədəni əməkdaşlıq baxımından region üçün yeni mərhələ açdığı vurğulanıb.

Bildirilib ki, sammit bölgənin diplomatik gündəminin əsas hadisəsinə çevrilib. Görüşdə yalnız iqtisadi deyil, həm də mədəni və humanitar əməkdaşlıq məsələləri diqqət mərkəzində olub. Türkmənistanın Azərbaycan Prezidentinə “Axaltəkə” atı hədiyyə etməsi tədbirin simvolik məqamlarından biri kimi dəyərləndirilib.

Qeyd olunub ki, sammitin ən mühüm nəticəsi enerji, nəqliyyat, logistika, sənaye və mədəniyyət sahələrini əhatə edən sazişlərin imzalanmasıdır. Bu sənədlər üçtərəfli əməkdaşlığın hüquqi əsasını formalaşdırmaqla Orta Dəhlizin inkişafına yeni imkanlar açır. Toplantıda enerji təhlükəsizliyi, alternativ mənbələrin istifadəsi və logistika layihələrinin əhəmiyyəti xüsusi vurğulanıb.