ABŞ dövlət katibinin köməkçisi Azərbaycana gəlib

ABŞ dövlət katibinin Dövlət Enerji Ehtiyatları Bürosu üzrə köməkçisi Cefri Payatın Azərbaycana səfəri başlayıb.

ABŞ-nin Azərbaycandakı səfirliyindən verilən məlumata görə, səfər iyunun 2-dək davam edəcək. O, Bakıda Neft və Qaz Sərgisi, Xəzər Beynəlxalq Enerji və Yaşıl Enerji Sərgisi və Bakı Enerji Forumundan ibarət olan 28-ci illik Bakı Enerji Həftəsində iştirak edəcək.

Cefri Payat enerji təhlükəsizliyi və bərpa olunan enerji mənbələrindən istifadənin artırılması imkanlarını müzakirə etmək üçün Azərbaycan hökumətinin rəsmiləri ilə görüşəcək.

“Dövlət katibinin köməkçisi təmiz enerji keçidini sürətləndirərkən qlobal enerji təchizatını sabitləşdirmək üçün gələcək beynəlxalq əməkdaşlığı təşviq etmək üçün digər ölkələrin və təşkilatların enerji rəsmiləri ilə də görüşəcək “, – deyə səfirlikdən bildirilib.