ABŞ Ermənistanı xəritədən silmək istəyir?

“Ermənistan sülhdən danışa-danışa sürətlə silahlanır. Görünən odur ki, revanşizm xəyalları Ermənistanda hətta hazırkı iqtidarın da əsas xəyalıdır”.

Bunu Baku TV-nin departament rəhbəri Turan İbrahimov bildirib.

O qeyd edib ki, Ermənistanı buna həvəsləndirən başda ABŞ olmaqla Qərb dövlətləridir:

“Çünki hazırda Ermənistan Fransadan, Hindistandan gələn silahlarla yanaşı, Cənubi Koreyadan, Yaponiyadan da silahlar təmin etmək xəyalına düşüb”.

T.İbrahimov diqqətə çatdırıb ki, ABŞ Rusiya üçün Cənubi Qafqazda yeni bir cəbhə açmağı fikrinə qoyub:

“Bu baxımdan müxtəlif addımlar atılır. ABŞ-nin hərbi kontingenti artıq Zəngəzurdadır və onlar burada fəaliyyət göstərirlər. Cənubi Koreya və Yaponiyanın da birbaşa ABŞ-nin tapşırığı ilə bu prosesə daxil olduqlarını deyə bilərik”.