ABŞ rəsmisindən Laçın yolu ilə bağlı açıqlama
“Bildiyim qədəri ilə üçtərəfli görüş barədə təklif Azərbaycan və Ermənistan tərəfinə çatdırılıb”. Bunu ABŞ Dövlət Departamentinin sözçüsü Ned Prays jurnalistlər üçün keçirdiyi gündəlik brifinqdə deyib.
“Biz sözümüzlə və əməlimizlə bildirdik ki, Ermənistan və Azərbaycan arasındakı problemlərinin araşdırılması üçün kömək etməyə hazır və qadirik. Dövlət katibi Blinken Münhendə Ermənistan və Azərbaycan hökumət başçıları ilə üçtərəfli görüş keçirdi. Belə görüşlərdə potensial iştirak tərəflərin gündəliyində olmalıdır. Biz son həftələrdə müşahidə etdiyimiz tərəqqinin davamını görməyə ümid edirik. Problemin tam həlli üçün hərtərəfli dəstəkləməyə hazırıq. Laçın yolu ilə bağlı isə dövlət katibi ötən həftəsonu Münhendə Baş nazir və Prezident qarşısında çıxışında bu məsələni qaldırıb. Azərbaycan tərəfi bir dəfə qeyd etdi ki, yol humanitar yardım üçün açıqdır”, - deyə o bildirib.