ABŞ və digər xarici ölkə vətəndaşları İrandan ölkəmizə təxliyə olundu

İsrail-İran münaqişəsi başlayandan sonra xarici ölkə vətəndaşlarının İrandan Azərbaycana təxliyəsi davam edir.

Gecə saatlarında Astara Dövlət Sərhəd Buraxılış Məntəqəsi vasitəsilə vətəndaşların təhlükəsiz şəkildə Azərbaycana keçidi təmin edilib. 10 nəfərdən çox ABŞ və digər xarici ölkə vətəndaşları ölkəmizə təxliyə olunub.

İrandan təxliyə edilən ABŞ vətəndaşı Aborzi Aborinq Azərbaycana təşəkkür edib:

“Sərhəddə bizə rahat keçid şəraiti yaradıldı. Təxliyə üçün göstərilən dəstəyə görə Azərbaycan hökumətinə təşəkkür edirəm”.

“Azərbaycana təxliyə olunduğumuz üçün xoşbəxtəm. Bura çox sakit, təhlükəsiz yerdir, müharibə, raketlər, güclərin toqquşması yoxdur. Bu baxımdan deyə bilərəm ki, xoşbəxtsiniz. Ölkənizdə sülhü, əmin-amanlığı qoruyun”, ‒ deyə İrandan təxliyə edilən Xorvatiya vətəndaşı Luay Elamir bildirib.