Aİ-nin Ermənistanla bağlı məqsədi nədir? | Ekspertlərdən mühüm açıqlama

Avropanın ermənipərəst siyasətçiləri yenə öz ampluasındadır.

Avropa İttifaqı rəsmi nümayəndələri Ermənistanla viza rejiminin sadələşdirilməsi ilə bağlı danışıqlara başlamaq qərarına gəliblər.

Gələcək perspektivdə Cənubi Qafqazda sülhü təhdid etmək potensialını özündə daşıyan Avropanın İttifaqa daxil olmaq meyarlarını və statusunu özündə daşımayan ölkəyə niyə bu qədər güzəştlər etdiyi az-çox hamıya məlumdur.

Mövzunu Baku TV-yə şərh edən millət vəkili Musa Qasımlı bildirib ki, Avropa İttifaqı xristian klubudur:

“O, digər ölkələri özünə yaxın buraxmır. Əgər xristian klubudursa, onun məqsədi nədən ibarətdir? Ermənistanı öz tərəfinə çəkmək, Cənubi Qafqazda gərginlik yaratmaq.

Bilirsiniz ki, Ermənistanda ucuz işçi qüvvəsi var. Aİ bu ölkədən ucuz işçi qüvvəsini özünə cəlb etmək istəyir. İnsanların Avropaya axın etməsi Ermənistanın boşalmasına gətirib çıxaracaq. Bu nə deməkdir? Ölkədə işçi qüvvəsi qalmayacaq və ya az qalacaq, ordunun cərgələrini doldurmağa insan qalmayacaq. Ermənistan bütövlükdə şəhər dövləti halına gələcək. Aİ-nin bu addımı Ermənistanın heç bir problemini həll etməyəcək”.