Aleksandr Sayer COP29-da media ilə bağlı yaradılan şəraitdən danışdı

“Media imkanları baxımından Azərbaycan hökumətinin göstərdiyi xidmət əladır”.

Bunu BMT-nin İqlim Dəyişmələri üzrə Çərçivə Konvensiyasının (UNFCCC) kommunikasiya şöbəsinin rəhbəri Aleksandr Sayer jurnalistlərə açıqlamasında bildirib.

O, Bakıda yüksək standartlara və keyfiyyətə malik media vasitələri və xidmətlə qarşılaşdığını qeyd edib:

“Təxminən 300-ə yaxın mətbu orqan var. Beynəlxalq media üçün 60-a yaxın kabinələrimiz mövcuddur. Həmçinin beynəlxalq və milli media üçün COP29-da hazırlanan bütün materialları və kadrları qəbul etmək üçün açıq sahəmiz var”.

A.Sayer vurğulayıb ki, Azərbaycan hökuməti COP29-da fiziki məhdudiyyətli və əlilliyi olan insanların cəmiyyətə inteqrasiya edə bilməsi üçün onlara da şərait yaradıb:

“Bu, çox əla bir təşəbbüsdür. Belə bir beynəlxalq tədbirə onların da öz töhfələrini verə bilməsi üçün yaradılan şəraiti xüsusilə vurğulamaq yerinə düşər. Media mərkəzində heç bir problem yoxdur, təkcə media mərkəzində deyil, əslində, bütün məkanlarda bununla bağlı problem yoxdur”.