Arutyunyan seçkilərdə iştirak etmək üçün müraciət edib

Qarabağdakı keçmiş qondarma rejimin lideri, hazırda Bakıda həbsxanada olan Araik Arutyunyan fevralın 7-də ölkəmizdə keçiriləcək növbədənkənar prezident seçkilərində iştirak etmək istəyir.

O, səs verə bilmək üçün müvafiq qurumlara yazılı müraciət edib.

Qeyd edək ki, Araik Arutyunyanın seçkilərdə iştirak etməsi mümkün deyil. Çünki onun səs verməsi üçün Azərbaycan vətəndaşlığı olmalıdır. İndiki halda isə bu fakt yoxdur.

Onu da əlavə edək ki, bundan əvvəl onun istintaqla yaxından əməkdaşlıq etdiyi, özünü Azərbaycan vətəndaşı saydığını bildirdiyi və istintaqdan sonra ailəsi ilə birlikdə Azərbaycanda yaşamaq istədiyi haqda dövlət qurumlarına müraciət etdiyi barədə də məlumat yayılmışdı.