Avropa İrana xəbərdarlıq etdi

Avropa İttifaqının xarici və təhlükəsizlik məsələləri üzrə ali nümayəndəsi Cozef Borrel İranı kəskin tənqid edib.

“İran Rusiyanı müasir silahlarla təmin etməklə beynəlxalq hüququn norma və prinsiplərini pozur”, - deyə Cozef Borrel Birləşmiş Millətlər Təşkilatının Nyu-Yorkdakı qərargahında verdiyi müsahibə zamanı bildirib.

Ali nümayəndə İran hökumətinin insan haqlarına hörmət etmədiyini bildirib. “İranın Beynəlxalq Atom Enerjisi ilə əməkdaşlığı da vacib məsələdir”, - deyə o əlavə edib.