Avropada qeyri-adi Azərbaycan muzeyi

Xaricdə ilk dəfə Azərbaycanla bağlı açıq səmada muzey təşkil olunub.

Sözügedən muzey Azərbaycanın Moldovadakı səfirliyinin qarşısında yerləşir.

Muzeydə Azərbaycanın ümummilli lideri Heydər Əliyev və digər tarixi şəxsiyyətlər barədə, eləcə də 20 Yanvar faciəsi, Xocalı soyqırımı ilə bağlı, o cümlədən 44 günlük Vətən müharibəsində Azərbaycanın əldə etdiyi qələbə haqqında məlumatlar rumın, ingilis və Azərbaycan dillərində təqdim olunub.

Azərbaycanın Moldovadakı səfiri Qüdsi Osmanov Baku TV-nin əməkdaşlarını muzeylə tanış edib. Onun sözlərinə görə, bu muzeyə yalnız Moldovada yaşayan sakinlər yox, həm də xarici turistlər gəlir.

Qeyd edək ki, yaxın zamanda bir sıra qonşu ölkələrin iştirakı ilə sözügedən muzeyin açılışı olacaq. Bu səbəbdən muzeyin ərazisi genişləndirilir və əlavə komponentlər yerləşdirilir.