Ayxan Hacızadə: BMT-nin bəyanatına göz yummaq ikiüzlülükdür

Xarici İşlər Nazirliyinin Mətbuat Xidmətinin rəhbəri Ayxan Hacızadə Finlandiyanın Azərbaycanda, eyni zamanda Cənubi Qafqazın digər ölkələrindəki səfiri Kirsti Narinenin iddialarına cavab verib.

Bu barədə diplomat sosial şəbəkə hesabında yazıb.

“Ermənistan azərbaycanlılara qarşı çoxsaylı vəhşiliklər törədib, Azərbaycan isə heç vaxt erməni vətəndaşlarını hədəfə almayıb, əksinə, onların reinteqrasiyası üçün təhlükəsiz mühit təmin edib. Birləşmiş Millətlər Təşkilatı, BMT-nin Humanitar Məsələlərin Əlaqələndirilməsi Ofisi, Beynəlxalq Qızıl Xaç Komitəsi, BMT-nin Qaçqınlar üzrə Ali Komissarlığının Azərbaycanın erməniləri zorla çıxarmadığını təsdiqləməsinə göz yummaq ikiüzlülükdən başqa bir şey deyil”, – deyə mətbuat katibi bildirib.

Qeyd edək ki, finlandiyalı diplomat Qarabağ bölgəsinin erməni sakinlərinin regiondan guya könüllü ayrılmadığını, zorakılıq qorxusu ilə üzləşdiyini deyib.