Azərbaycan Ermənistanı Avropa Məhkəməsinə verdi

Azərbaycan hökuməti işğaldan azad edilən ərazilərdə azərbaycanlıların insan hüquqlarının kobud şəkildə pozulmasına görə Ermənistana qarşı Avropa İnsan Hüquqları Məhkəməsinə müraciət təqdim edib.

Bu barədə Xarici İşlər Nazirliyindən məlumat verilib. Qeyd olunub ki, Azərbaycan 2022-ci ilin may-avqust aylarında Ermənistanın Laçın şəhərini və iki qonşu kəndi tərk etməsi zamanı əmlakın, o cümlədən yüzlərlə mülki evin və digər yaşayış sahələrinin qəsdən və məqsədyönlü şəkildə dağıdılmasına dair bir sıra sübutlar təqdim edib.

Nazirlikdən o da bildirilib ki, Azərbaycan insan hüquqlarının kobud şəkildə pozulması nəticəsində dəyən ziyana görə kompensasiya, reparasiya, restitusiya, digər xərclərin qarşılanmasını tələb edir. Beynəlxalq insan hüquqlarının davamlı və məqsədyönlü şəkildə pozulmasına görə Ermənistan hökumətininin məsuliyyətə cəlb edilməsi üçün səylər davam etdiriləcək.