Pleyeri seçin:
Azərbaycan Səudiyyə Ərəbistanına faciəli helikopter qəzası ilə bağlı başsağlığı verib - Baku TV
Azərbaycan Xarici İşlər Nazirliyi Səudiyyə Ərəbistanının Ras Tanura bölgəsində 14 nəfərin həyatını itirməsi ilə nəticələnən helikopter qəzası ilə əlaqədar başsağlığı verib.
Bu barədə Nazirliyin "X" sosial şəbəkəsində paylaşım edilib.
"Ras Tanurada 14 nəfərin həyatına son qoyan faciəvi helikopter qəzası bizi dərindən kədərləndirib. Həlak olanların ailələrinə, eləcə də Səudiyyə Ərəbistanı Krallığının hökumətinə və xalqına dərin hüznlə başsağlığı veririk", – deyə paylaşımda bildirilib.
Xatırladaq ki, Səudiyyə Ərəbistanının Ras Tanura şəhərində "Saudi Aramco" şirkətinə məxsus helikopter qəzaya uğrayıb. Bu barədə "Saudi Press Agency" agentliyi yerli hakimiyyət orqanlarına istinadən xəbər verib. Qəzanın səbəbi hələlik məlum deyil, hazırda istintaq aparılır.
Qeyd edək ki, Əş-Şərqiyyə əyalətində yerləşən Ras Tanurada "Saudi Aramco" tərəfindən idarə olunan Yaxın Şərqin ən böyük neft emalı zavodu yerləşir.
Kopyalandı
#Azərbaycan Xarici İşlər Nazirliyi teqi istifadə olunub
- Fransa XİN-in əsassız cavablarını qətiyyətlə pisləyirik | Azərbaycan XİN - Baku TV
- Bakıda Afrika Gününə həsr olunan konfrans | Yalçın Rəfiyev açıqlama verdi - Baku TV
- Azərbaycanla Afrika İttifaqı arasında əlaqələr inkişaf edir
- Azərbaycan Pakistanda baş verən terror aktını qətiyyətlə pislədi - Baku TV
- Ceyhun Bayramovla Andrey Sibiqa arasında telefon danışığı olub - Baku TV
Seçilmişlər
