Azərbaycan-Türkiyə münasibətləri Ərdoğan dövründə

Prezident Rəcəb Tayyib Ərdoğanın hakimiyyəti dövründə Türkiyənin Türk dünyası ilə əlaqələri ən yüksək mərtəbəyə qədəm qoyub.

Azərbaycanla qardaş ölkə arasındakı münasibətlər də məhz R.T.Ərdoğanın dövründə daha da güclənib. Bu əlaqələr ən yüksək mərhələyə Şuşa Bəyannaməsi ilə çatıb. Çünki sənəddə həm tarixi, həm siyasi, həm də hərbi və təhlükəsizlik sahələrinin xüsusi qeyd olunması hər iki dövlət üçün mövcud geosiyasi və regional təhlükəsizlik baxımından müstəsna əhəmiyyət kəsb edir.

Hazırda Türkiyə ilə Azərbaycanın dostluğu, qardaşlığı, demək olar ki, yeganə nümunədir. Şuşa Bəyannaməsi isə bütün dünyaya Azərbaycan-Türkiyə birliyinin sarsılmazlığını bir daha nümayiş etdirib. Məhz iki ölkənin prezidentləri – Rəcəb Tayyib Ərdoğan və İlham Əliyevin liderliyi sayəsində bu əlaqələr əməkdaşlıq səviyyəsindən strateji müttəfiqlik səviyyəsinə yüksəlib.

Bir sözlə, Türkiyənin son 20 ildə keçdiyi inkişaf yolu və Türk dünyasındakı rolu R.T.Ərdoğanın siyasi peşəkarlığının və qətiyyətinin nümunəsidir.