Azərbaycan və BƏƏ arasında əməkdaşlıq dərinləşir

Azərbaycan və BƏƏ münasibətlərində yeni bir dövr başlayıb. 2025-ci ilin iyulunda imzalanan və noyabr ayında Prezident İlham Əliyev tərəfindən təsdiqlənən "Hərtərəfli İqtisadi Tərəfdaşlıq Sazişi" (CEPA) iki ölkə arasındakı baryerləri aradan qaldıraraq ticarət dövriyyəsini sürətləndirib. Baku TV-nin təqdim etdiyi süjetdə ilin sonuna olan iqtisadi göstəricilər — xüsusilə ticarət dövriyyəsinin 1,9 dəfə artması, kənd təsərrüfatı məhsullarının ixracı üçün açılan yeni imkanlar və bərpaolunan enerji sahəsindəki investisiyalar təhlil olunur. 1 dekabr 2025-ci ildə Əbu-Dabidə keçirilən Hərtərəfli Strateji Tərəfdaşlıq üzrə Əməkdaşlıq Komitəsinin ilk iclasında siyasi, müdafiə, enerji və humanitar sahələr üzrə 5 yeni alt komitə yaradılıb. Azərbaycanın qeyri-neft sektorunun, xüsusən də kənd təsərrüfatı və qida məhsullarının BƏƏ bazarına çıxışını asanlaşdıran bu strateji yaxınlaşma regionun iqtisadi mənzərəsini dəyişir. Detallar Baku TV-də.