Azərbaycan və Çin liderlərinin görüş vaxtı bəlli oldu | XİN-in sözçüsü detalları açıqladı

“Çin və Azərbaycan strateji tərəfdaşdırlar. Hər iki ölkənin liderinin səyləri nəticəsində əməkdaşlıq dinamik inkişafını qoruyur. Siyasi etimad da güclənir. “Bir yol, bir kəmər” layihəsi müsbət nəticələr verir. Beynəlxalq əməkdaşlığın effektivliyi artır”.

Bu barədə Çin Xarici İşlər Nazirliyinin sözçüsü Quo Jiakun mətbuat konfransında bildirib.

“Azərbaycan Prezidenti İlham Əliyevin aprelin 22-24-də Çinə səfəri çərçivəsində Si Cinpinlə danışıqlar aparılacaq. Çin-Azərbaycan əlaqələrinin yeni planı hazırlanacaq. Baş nazir Li Qianq və sədr Zhao Lejinin də İlham Əliyevlə görüşləri nəzərdə tutulub. Müxtəlif sahələrdə əməkdaşlıq müzakirə ediləcək. Düşünürük ki, bu səfər Çin-Azərbaycan tərəfdaşlığını daha da dərinləşdirəcək, hər iki xalq üçün faydalı olacaq”, – XİN rəsmisi vurğulayıb.